ကိုယ်ပိုင် တစ်ပိုင်တစ်နိုင်လုပ်ငန်း လုပ်ဆောင်နိုင်ရန်ရည်ရွယ်၍ ရက်ကန်းနှင့် အသက်မွေးပညာ သင်တန်းကျောင်း(တောင်ကြီး)မှ ဦးစီးပြီး ဒုတိယအကြိမ် အသေးစားစက်မှုလက်မှု လုပ်ငန်းဦးစီးဌာနက အထည်ပန်း ပုံရိုက်ခြင်း နှင့် ဆေးရေးပန်းချီသင်တန်းကို ၂၀၁၆ ခုနှစ်၊ မေလ(၁၀)မှ(၂၅)အထိ ပအိုဝ်းကိုယ်ပိုင်အုပ်ချုပ် ခွင့်ရဒေသ ပင်လောင်းမြို့နယ်၊ နောင်တရားမြို့နယ်ခွဲတွင် ဖွင့်လှစ်သင်ကြားနေကြောင်း သိရှိရပါသည်။
အဆိုပါသင်တန်းတွင် သင်တန်းနည်းပြ ဒေါ်သန်းသန်းဌေး (စောင်းဒါးရက်ကန်းနှင့် အသက်မွေး ပညာ သိပံ္ပ၊ အမရပူရမြို့)နှင့် ဒေါ်ဦးစောတင်(အသက်မွေးပညာရက်ကန်းကျောင်း-တောင်ကြီး)တို့မှ သင်ကြားပိုချပေးပြီး ပန်းချီလက်ရေး၊ ဖလင်ပေါ်တွင် ဖလင်ဒီဇိုင်းဖောက်ခြင်း၊ ဆေးဖျော်ခြင်းနှင့် အထည်ပေါ်တွင် ဒီဇိုင်းရိုက်ခြင်းနှင့် အင်္ကျီတံဆိပ်ရိုက်ခြင်း စသည့် ပညာရပ်များကို လက်တွေ့ သင်ကြားပေးပြီး သင်တန်းသား/သူ (၂၀)ဦး တက်ရောက် သင်ယူနေကြောင်း သိရှိရပါသည်။
နန်းတင်တင်ဦး(နောင်တရား)
No comments:
Post a Comment